Lajmet e fundit
Kryefaqja / Ballina / Fshatrat që kanë qejf të quhen qyteza

Fshatrat që kanë qejf të quhen qyteza

 

Nisja e punëve për meremetimin e qendrës së vjetër të kulturës “Idriz Seferi” ka ngjallur shpresën e banorëve të Zhegrës se fshatit do t’i kthehen aktivitetet e shumta kulturore si dikur, shkruan sot “Koha Ditore”.
Punëtorët kanë nisur të martën pastrimin e hapësirave të brendshme të vërshuara nga bërlloku e uji që pikon prej pullazit të dëmtuar. Njëri prej punëtorëve ankohet se në objekt nuk ka ujë për pastrimin e dyshemeve. Shpresojnë se do të kenë ndihmën e fshatit për ta zgjidhur edhe këtë problem që punët të mos ndalen.

Matanë fushës së sportit e rrugës kryesore, te udhëkryqi, në qendër të fshatit, rrjedh curril uji i shatërvanit. Mbi çezme në pllakën e zezë është portreti i dëshmorit Agim Ramadani dhe mbishkrimi “Për një pikë ujë Kosove”.

Bajram Isufi (51) është i lidhur nyjshëm me qendrën e fshatit, ani pse tani jeton në Gjilan. Në qendrën e kulturës përcillte të gjitha aktivitetet kulturore në vitet shtatëdhjetë e tetëdhjetë para se regjimi serb në fillim të viteve nëntëdhjetë t’ua ndalonte shqiptarëve zhvillimin e aktiviteteve në të.

“Atje lart ka qenë projektori, e këtu në skenë vendosej pëlhura për emetimin e filmave”, tregon me nostalgji Isufi, midis sallës. Punëtorët i kanë grumbulluar karriget e shkatërruara. Edhe jashtë, në shkallët e betonta, anash fushës së asfaltuar të sportit, ka karrige të thyera. Isufi tregon se si në fushën e pashtruar Zhegra kishte nxjerrë talente të hendbollit në kohën kur fshati garonte në ligat rajonale të hendbollit.

Rreth s.admin

Shikoni Gjithashtu

Gruaja që lindi 44 fëmijë

Një grua nga Uganda me 44 fëmijë, rrëfehet për jetën e saj Njerëzit ndonjëherë nuk …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Powered by keepvid themefull earn money